منتدى بسمة بغداد

منتدى بناتي تجمع نسائي ثقافي خاص للنساء اخر الموضه الأزياء والاكسسوارات و مواد التجميل

أأهلا وسهلا بكم في منتديات بسمة بغداد نتمنى لكم اسعد الاوقات ان تقضوها معنا في منتدياتكم منتدى بسمة بغداد فمرحبا بكم... مديرة الموقع      basmat baghdad

للتواصل والاستفسار يرجى المراسلة على البريد الألكتروني الخاص بأدارة الموقع basmat.baghdad@yahoo.com

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

( خليك) قصيده لشاعر من مدينتي

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ( خليك) قصيده لشاعر من مدينتي في الإثنين مارس 08, 2010 8:32 pm

الولهان99

avatar
عضو جديد
عضو جديد
صاحب الضويري شاعر مطبوع مزج البدويه بالعاميه كلمانه رقيقه ومعبرّه عن معاناته عاش رحل عن الدنيا ولم يوف حقه اليكم احد قصائده ولكم الحكم

خليك



خليك طيف ايروح المنزلي............وخليني طير ايغرد ابمنزلك



طوّل مسيري وتيهّت ساحلي..........وهذا انه جيت امدولب الساحلك



جيت ولگيتك تنتظر جيّتي.............چنّك دريت امدولب وتنتظر



وچني لگيتك مرهم لعلتي............وچني لگيت لها الليالي فجر



جابلني شمعه تسولف لدمعتي........وتدري الدمع مستاحش من الزغر



تمّيت أسبح للقدر مبتلي................يامن عليّ رحمه القدر نزّلك



باريني واهس لو مشه محملي.........وخليني ساعي اٍضعونك ومحملك

****************

يامن وهب للصابرين الورد..........هلبت تصّح للماصبر منشده



واحد يبات عله النده والعرد..........وواحد يباهي غيومها ابمورده



وواحد ينعثّل وحدّه بالكعد..........چم نوخذه العايش على الوّحده



وتدري السحابه شما تظَْل تنجلي.....وذاك اليخاف من السحابه هلك



حاسبني يامن كسّرت منجلي........ساعه وحصد باجي العمر منجلك

*****************

يحبيب انه لو اسولف سنه.........ماظن يخلصن والسوالف عمر



خلينه هسّه انسولف بحالنه ......وخلينه هلبت نسكر من الخمر



عفنه الحزن وتلتبينه الغنه ......وخلينه نشرب بالشفاف الحمر



يحبيب اشرب لو غفه عاذلي......بهيدة لما يغفه جفن عاذلك



حتى يحله بعيونك تغزلي .........ولاتنهضم خاف انه أگلك ولك

*********************

خاف النواظر تذبل من الشمس....مرخوص أصير لناظرك منذره



اردس على گليبي يحمل الردس....وخل گذلتك يمدّلل امنعثره



صدّگ لون فر الهوه بالعكس.......وذيچ النواظر ظلّت امخدره



امودع الله وأنه أرد لهلي...........وخليني طيف ايروح المنزلك



وخليني شما طوه مغزلي ...........بيهه يرد يلتف على مغزلك

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى