منتدى بسمة بغداد

منتدى بناتي تجمع نسائي ثقافي خاص للنساء اخر الموضه الأزياء والاكسسوارات و مواد التجميل

أأهلا وسهلا بكم في منتديات بسمة بغداد نتمنى لكم اسعد الاوقات ان تقضوها معنا في منتدياتكم منتدى بسمة بغداد فمرحبا بكم... مديرة الموقع      basmat baghdad

للتواصل والاستفسار يرجى المراسلة على البريد الألكتروني الخاص بأدارة الموقع basmat.baghdad@yahoo.com

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ابوذيات 1

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ابوذيات 1 في السبت مايو 15, 2010 7:44 am

بسمة بغداد

avatar
ألمديرة العامة
ألمديرة العامة


روحي اشلون اكضهه من تهم بيك

ومثل تهمه يخايب منتهم بيك

الظيم اليمر بيه منت هم مر بيك

ولا جنك ونه مبين عليه.



حبيبي لا تظن انساك ولهه

دوه الروحي غرامك صار ولهة

الشفة والعين ترد عليك ولها

تدعيلك كل صباح وكل مسية



تغيب الروح بغيابك واردها

كتاب جفاك من عندك وردها

روحي بفركتك يذبل وردها

شمس انت وتنور الدرب ليه





وحق رصعة خدودك وحق شفتك

انسبيت بيوم وسط الخلك شفتك

إشيخلصني بعد شرتاح؟ شفتك؟

تبعد تقترب نفس الاذية







وكَع كَلبي بغرامك مات شيله

وترى كَلبي التعذب مات شيله

اخابر وانت تسمع وماتشيله

وينك ياحلو بس رد عليه









كتلني امبادل النــــــظره والاعجاب

ولع ماخــــــذ ولــــــع مني ولعجاب

رحت لاهل الولع اشكي والاعجاب







انا بكاروك حبك وانته هزني

صرت فرصه بحياتك وانته هزني

انه شجره محبتك وانته هزني

وخلي الورد يتناثر عليه

رموني من الولع بسهام ميه





حبك فرض واج وقبلة

وجمالك منوجد بعدة وقبلة

ردت بس الزم شفافة واقبلة

اقبلة كل صباح وكل مسية



شكتلي الروح عنك ونتة بيهه

جروح الكلب زادت ونتة بيهة

الجانت صدك بنتك وانتة ابيهة

يعمي ارجوك خليهة الية



يسالني العشك عنك وردلة

حلو الخدين شايل ورد له

احلفت ما اوصل لدارة وردلة

اشوفني وصلت من غصبن علية



اريد الزم ارموشك وكحلك

خافن ترمش لغيري وكح لك

دايخ بالخصر داير وكحلك

خصر تفصال تتكلب علية



حبيبي ارجوك حاجيني شمالك

تهت مابين غربك من شمالك

صرت انتة الهوى واشتم شمالك

واذكرك من تهب ريحك علية

__________________







گبل مثل الحمامه تحوم..يمنه

وگبل چانت اليّه الايد..يمنه

تحت جدمچ الجنه صدگ..يمنه



ورضّاتچ من رضا الباري عَليه









وراوي







منهم ما ورد طارش ..وراوي

ابو خد الترف مايع ..وراوي

اريد اخذ رسم من وجهه..واراويه



واگل للناس هذا الفتك بيه









وحالك



منهو اللي خبط ماياك..وحالك

ومنهو اللى بگطع وصلّك..وحى لك

عجيبه وغيرت طبعك..وحالك



وصرت اسئل ولا تسئل عليه



ويامر



اليريد الحلو لابد.. ويامر

وحبيب الرووح يتدلل..ويامر

اصيرن نار من يبعد..ويامر

وأرد قالب ثلج لو رد اليه



ينراد



الصبر ايام هيچ اثگال..ينراد

واكلفك خبر البلدار..يلراد

موش انا اللي بوجهي الباب.. ينرد



انا الصبيت بيبانك بديه



وكت لك..



مضى وكتي وبعد عندي.. وكِت لك

ودمعي ماجرى لغيرك.. وكَت لك

اكتلني عالنفط صاير.. وكتلك



الزلم خمسين والنسوان ميه



وناسف



احبك واعتذر منك ..وناسف

جمال ابروحك امغربل.. وناسف

احط ابروحي تي ان تي ..وناسف

وافجر روحي اذا ماتمر علية



حد اسيوف هجرانك وسلهة

وهاك الروح مرمرهة وسلهة

يمك ناس ناشدهة وسلهة

بشرع من حللت هجرانك عليه

ابد موعشرة هاي وياك طلعت

ومن كثر الهموم الروح طلعت

شفت مرة شمس باليل طلعت

اكل للناس ميصدكون بيه



اريد الدنيا تصفى وياي بس يوم

وشوفك يا كحيل العين بس يوم

تنوح امي عليه وصحت بس يوم

الذنب ذنب الدهر قاسي عليه



سهول الناس عندي وانته راسي

سفن غركت ابحري وانت راسي

اخويه انت صديقي وتاج راسي

واعز منك ترى ماكو عليه


_________________
معاينة صفحة البيانات الشخصي للعضو http://basma-bag.yoo7.com

2 رد: ابوذيات 1 في الخميس مايو 27, 2010 8:36 am

الولهان99

avatar
عضو جديد
عضو جديد
ابوذيات روعه وجهد اروع شكرااااااااااااااااا

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى