منتدى بسمة بغداد

منتدى بناتي تجمع نسائي ثقافي خاص للنساء اخر الموضه الأزياء والاكسسوارات و مواد التجميل

أأهلا وسهلا بكم في منتديات بسمة بغداد نتمنى لكم اسعد الاوقات ان تقضوها معنا في منتدياتكم منتدى بسمة بغداد فمرحبا بكم... مديرة الموقع      basmat baghdad

للتواصل والاستفسار يرجى المراسلة على البريد الألكتروني الخاص بأدارة الموقع basmat.baghdad@yahoo.com

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

ليش انت؟؟؟؟

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 ليش انت؟؟؟؟ في السبت مايو 15, 2010 8:50 am

بسمة بغداد

avatar
ألمديرة العامة
ألمديرة العامة

ليش انت على الحبوك تنحل
أضلوعي بيوم شال الضعن تنحل
ألك عكده بدليلي عيب تنحل
لمن يطلع جديد الشيب بيه
*****
يا كلبي بس بالليل خل روحي تنام
ومن الصبح للظيم أتحزم أحزام
*****
كلبي صبح فرهود ولكل تعت بيه
وبالباب الف ديان حرت آلمن اطيه
*****
ريت الكلب ياهواي ينطر وراويك
جا كلت عفيه عليك دم ولحم بيك
*****
ريت الكلب بي باب ينطر تشوفه
ولو شفت غيرك بيه حك من تعوفه
*****
كلبي ارد اكصه أبموس واتلاحكه بنار
خافن يحن ويكول للعشره تذكار
*****
بس جرح بالدلال ينزف فلا طاب
خله يظل تذكار لملاكه الاحباب
*****
كلبي أرد اكصه بموس وجوي مجانه
دلاني عل هيج أدروب كلهن مهانه
*****
كلبي ارد اكصه بموس واكطع وريده
يبجي عل بزر الناس شنهو ليريده
*****
ارد اسئل الصباغ هم تصبغ اكلوب
لصبغ دليلي عليك وحزن فرد نوب
*****
من كلبي خذلك نار جمل جهنم
والما يعرف ينوح مني يتعلم
*****
صح وصدك عطاب تشتم الخشوم
من كلبي تطلع نار موش من الهدوم
*****
وج ونطفه الدلال يوم الضعن ساك
حنظل ولوجن بيه مر يوم الفراك
*****
آنا لك يالدلال أفرغ وجويك
لسه تحن لساه لا مروا عليك
*****
الدنيه ضاجت وضاج بعيوني الزمان
ومن ذكرتك صار بكليبي المجان
*****
كلبي من أمس واليوم مالي أهد بيه
مدري انشد الجيران لو صوت عليه
*****
حيل أفرح أبملكاك يل مكبلك عيد
وصار الكلب بجفاك تنور اجاويد
*****
يمته الأحبها اليوم تتلاكه وياي
أخبرها كلبي يذوب وبطرة جلاي
*****
حس كلبي حس ونحاس ونصدع ونعاب
آس ولك أسمع صوت بديار الاحباب
*****
أيد ارتجي عل كاع ويد بدليلي
أنهض مابياش وكفه عل حيلي
*****
مر الدهر لا صار اصبر وباريه
بلشت كلبي وياه وأدريبه ياذيه
*****
حسره لك بالدلال ظلت لماموت
مادرت حكها الناس أصوابي بسكوت
*****
متعجب بدنياك بي كلبك ازروف
شوكلبي منخل صار بيه العمه يشوف
*****
ينام ويعرف النوم كلبك شمكواه
كل دكه كلبي ايريد ينشلع من جواه
*****
ريتك تمر بجروح كلبي وتمسه
جاكلت خويه شلون شايله لسه
*****
لا شيب ولاتاب كلبي اشكواته
ظل بالسعف ناطور والثمر فاته
*****
كلبي ارد اكصه بموس بغير أهله تعبان
مثل اليساكي الشوك يترجه رمان
*****
تتمنه لك كلبين غمك لهل راي
عندي نص اكليب اعليل ونطيته لهواي
*****
نص الكلب معلول ونطيته لهواك
عمري لحبيبي انذور ولومتت لبلاك
*****
البيده زف هواه كلبه اشكواته
لا عله بانت بيه ولا عكله فاته
*****
كون الكلب بيه باب واتشوفه العيون
جان أعذرتني الناس حته اليّلومون
*****
شنهي اشبعد تردين هدمتي حيلي
أتكالب آويه الظيم كطع دليلي
*****
ريت الله لاينطيك يلصحت باسمه
فرفرت العصفور كلبي شيلزمه
*****
دك دكتين أرداف كلبي وسكت ليش
أحترك دم البيه ينبض بعد بيش
*****
لسمج يبعد اجلاي فدوتج آنه
لو كلبي مادك يوم انتِ أبمجانه




منك سمعت الاه كثرت جراحـي
وشبيدي خويا اعليك قصوا جناحي


وين الكفن ينباع يالشايل الخـــــام
عدله أرد أطمها الروح من ظيم الأيـام


لم جرحك أو للبيت قوم امشي ويـاي
وامشي ابدلال أرجوك لاتشمت اعداي


كَـالولي ولفـك راح كَلتلهم أبعد
كَـالو صعد للغيـم كَلتلهم أصعد


من كثر حر الضلع أحترقن هدومي
وتسعين ناقة وجمل ماشالن همومي


شحجي شقول للناس من همي شحجي
مليان بالحسرات بس احجي ابجــي


اجلد ابممشاي ناحل ترانــــي
خوفي من الشمات مو من زماني


أتجدب علي واتقول , اسمع كلامك
وانا ابطيب القلب امشي ابمرامــك


_________________
معاينة صفحة البيانات الشخصي للعضو http://basma-bag.yoo7.com

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى