رسم بيه زماني شلون خطه@
بقلم من ضيم كلبي اللوان خطه@
ادك ع الفرح مشغول خطه@
يجاوبني الحزن ويرد عليه...
يساكي العسل ليش وياي بس مر@
وعلى كلبي من فركاك بسمر@
قصر ابنيلك من كاس بس مر@
تدري بشوفتك وصفه اليه...
الحزن من زغر سني لازماني@
وعهد ويه المدامع لازم اني@
لاولفي رحمني لازماني@
صابر والجرح البيه بيه...
ياغالي بوسط كلبي وانت ضيفي@
وسكنت ببطن عيني وانت ضيء في@
شبعت احزان يادنيا وانتي ضيفي@
تدورالفرح بس مره اليه...
ياهذا الراس ماظل شعر بيك@
والكلب مال وحن وشعر بيك@
حرت شكتبلك قصائد وشعر فيك@
اذا حتى القلم يرجف بايديه...
وصفنا وماوصل حسنك وصفنه@
لان ينراد لحسنك كعده وصفنه@
لوانت بمدرستنه وصفنه@
لوتاخذ صفر انطيك ميه...
وحق اللي تعبده الناس منشاف@
الدمع من يومكم لليوم منشاف@
الف ياحيف شفي انكطع من شاف@
بجت اعيون من فركاك اليه...
ترف كلي بهجرك علي من شار@
سحابه وبس علي امطرت مشار@
اخذ وانطي وصير وياي منشار@
ومثل ماانشد عليك انشد عليه...
اني واحد واللي عدوان تسعه@
وعلى موتي كل الناس تسعه@
خلص عمري وبقت ايام تسعه@
خلص اسبوع ضل يومين اليه...
كظيت الدهر مافد يوم حنيت@
وايدي من دموع العين حنيت@
ياغالي وعلى هليوم حنيت@
وشلت نار الدمع بثنين ايديه...
مفارك الليالي سنين مرن@
وعلي صاير لذيذ الزاد مرن@
طفر كلبي على النقال من رن@
لان حسيت الغالي دك عليه...
أأمم بيها والجامع ورايه@
وكمت امشي وره الجانو ورايه@
نويت اهجم وشلت سيفي ورايه@
رماني بسهم عينه وطاح بيه...
اون ولانمت بليل ساعه@
بسبب همي ماارتاح ساعه@
وحدي ولااخو وياي ساعه@
حتى الغالي نساني وشح عليه...
اشد حبل الوصل والكاه محتل@
هو الروحي يريد المحتل@
سكن كلبي ورضيته يكون محتل@
وجبتله الكرسي رأسته عليه...
اريد الطم واسوي اللطم بالوان@
عليل ويصب دمع العين بالوان@
اني اللي طبكن علي بلوان@
شيبي والهوى محرم عليه...
ابتلت روحي ولايخلص بلاها@
وبمحبتك ينتهي كليبي بلاها@
بعذابك يغالي ربي بلاها@
وتضل تنوح كل صبح ومسيه...
اني الجنت مثل ميل الساعه وميلان@
وظربني خط عدل مابيه ميلان@
واني اللي لعبت للانتر وميلان@
هسه هوار المله يتفيك عليه...
قلم كلــــبي تداين ورقه منك .....
لأن ماكو بجمالك ورقه منك .....
باسجلك انت الأول ورقمنك ....
وأكتب لافته محجوز اليه
** ** **
المحبـــوب أفكر ليـــل وانهار..
ودمع عيني بغيابك بحر وأنهار..
جبل آنه بمحبتك طاح وأنهار..
لأن حبك زلازل ومر عليه...
** ** **
صحبتك ليش كصرت ماطلتها
وانا الدنيا على مودك ماطلتها
جنت لك فرصه سهله ماطلتها
خسرتني بسس بطرانك عليه
** ** **
اسكي ضماي من شفاك وردة
يلخدك جميل تكول وردة
ردية احوالي بين الناس واردة
اذا بالبوسة هم تبخل علية
** ** **
موحب بكلبي هذا ورم شاك
واذوب بشوفة عيونك ورمشاك
اظل للموت امشي ورة مشاك
لان روحي التحبك مو بدية
** ** **
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
حله الجوري عله مودك من تحله
وكبر وياك وأينع منت حله
شتظن زيجك أركز من تحله؟!
اغوش والثنين تصير ميه!!
,,,,,
حرام الدمع ينظم شفت اكته
إلك يالتيهتني شفتك أته
جمر حرگتلي شفتي شفتک اته
جهنم بيك وآنه أبليس بيه
,,,,,,,
قطار الهجر طوّح بالصفاره
خذاك وظل وجهنه بالصفار ه
گضيناهه الدراسه بالصفاره
كلما تغمز ألنه أطيح ميه
__________________
